May isang bahay na dinisenyo si Gaudi sa Barcelona na tinatawag na Casa Battlo. Isang bahagi ng bahay na iyon ang nasa larawan sa itaas. Sadyang nakakamangha ang husay ng pag-iisip ni Gaudi! Tubig ang inspirasyon niya sa Casa Battlo kaya hindi masyadong malinya ang pagkakagawa. Kurba-kurbada ang mga pinto at bintana, sumisimbolo sa katangian ng tubig na dumaloy.
Marami pang ginawa si Gaudi sa Barcelona, kasama na ang Parc Guell. Sinadaya kong makita ang lugar na ito dahil napanuod ko ito sa Meteor Garden at pati na rin sa America's Next Top Model. Syempre, dapat ako rin, maranasan ko ang rumampa at tumakbo sa kakaibang arches na meron ang daanan na ito!
Para sa akin ang Barcelona ay si Gaudi. Patuloy akong namamangha sa kanyang galing at kakaibang talino!
